სამუშაო-ცხოვრების ბალანსი

დღევანდელ არანორმირებულ სამუშაო გარემოში, ჯანსაღი სამუშაო-ცხოვრების ბალანსის მიღწევა უფრო მნიშვნელოვანია, ვიდრე ოდესმე.

სამუშაოს მოთხოვნების დაბალანსება, პირად ცხოვრებასთან შეიძლება იყოს რთული, მაგრამ ეს აუცილებელია თქვენი საერთო კეთილდღეობისა და ბედნიერებისთვის.

ამ სტატიაში ჩვენ განვიხილავთ რამდენიმე პრაქტიკულ რჩევას, რომელიც დაგეხმარებათ როგორც სამსახურში, ასევე პირად ცხოვრებაში.

დააყენეთ საზღვრები:

დაამყარეთ მკაფიო საზღვრები თქვენს სამსახურსა და პირად ცხოვრებას შორის. განსაზღვრეთ კონკრეტული სამუშაო საათები და დაიცავით ისინი მაქსიმალურად. მოერიდეთ სამუშაო ელ. ფოსტის შემოწმებას ან ზარებზე პასუხს, არასამუშაო საათებში.

პრიორიტეტული ამოცანები:

შესასრულებელი საქმეები დაალაგეთ პრიორიტეტების მიხედვით.

გამოიყენეთ ინსტრუმენტები, როგორიცაა: ბლოკნოტი, ელ. კალენდარი ან დავალებების მართვის აპლიკაციები, რათა თვალყური ადევნოთ თქვენს დავალებებს და ვადებს.

პირველ რიგში ფოკუსირება უნდა მოახდინოთ, მაღალი პრიორიტეტის მქონდე დავალებების შესრულებაზე და შემდეგ ეტაპობრივად გადახვიდეთ დანარჩენზე.

აუცილებლად შეისვენეთ:

რეგულარულად დაისვენეთ მთელი სამუშაო დღის განმავლობაში, რათა არ გადაიწვათ. მოშორდით სამუშაო მაგიდას, წადით ცოტა ხნით სასეირნოდ, გაესაუბრეთ კოლეგებს, გადაიტანეთ ყურადღება სხვა რამეზე.

შესვენებები დაგეხმარებათ გააუმჯობესოთ ყურადღება, პროდუქტიულობა და საერთო კეთილდღეობა.

დროის მენეჯმენტის პრაქტიკა:

დროის ეფექტური მენეჯმენტი, სასიცოცხლო მნიშვნელობისაა სამუშაო და ცხოვრების ბალანსის მისაღწევად.

წინასწარ დაგეგმეთ თქვენი სამუშაო დღე, გამოყავით დრო კონკრეტული ამოცანებისთვის და მოერიდეთ ბევრი დავალების დაწერას.

დავალებების შესასრულებლად რეალური ვადები გაწერეთ და მოერიდეთ საკუთარი თავის გადატვირთვას.

შექმენით სამუშაო-ცხოვრების საზღვრები:

შექმენით ფიზიკური და გონებრივი საზღვრები თქვენს სამსახურსა და პირად ცხოვრებას შორის.

დაუდეთ საკუთარ თავს პირობა, რომ სამსახურიდან გამოსვლის შემდეგ არ დაუბრუნდებით თუნდაც გონებრივად სამსახურს.

თუ სახლიდან მუშაობთ, განსაზღვრეთ თქვენს სახლში კონკრეტული სამუშაო ადგილი სამუშაოსთან დაკავშირებულ და ამ ადგილის დატოვების კონკრეტული საათები დააწესეთ. არასამუშაო საათებში, გათიშეთ სამუშაოსთან დაკავშირებული ნებისმიერი საკომუნიკაციო არხები და ფოკუსირდით ხარისხიანი დროის გატარებაზე ოჯახთან და მეგობრებთან ერთად.

გამონახეთ დრო თავის მოვლისთვის:

უპირატესობა მიანიჭეთ თავის მოვლის აქტივობებს, რომლებიც დაგეხმარებათ დაისვენოთ და განიტვირთოთ სამუშაო საათების მიღმა.

დაუთმეთ და დაგეგმეთ დრო თქვენი ჰობისთვის, ვარჯიშისთვის, მედიტაციისთვის ან სხვა აქტივობებისთვის, რომლებიც სიხარულს და კმაყოფილებას მოგანიჭებთ.

თქვენს ფიზიკურ, გონებრივ და ემოციურ კეთილდღეობაზე ზრუნვა აუცილებელია ჯანსაღი სამუშაო-ცხოვრების ბალანსის შესანარჩუნებლად.

დამსაქმებელთან მოლაპარაკება:

თუ თქვენ ხვდებით, რაოდენ მნიშვნელოვანია: სამუშაო-ცხოვრების ბალანსი და გაქვთ მზაობა , მაგრამ სამსახური არ გაძლევთ ამის საშუალებას, არ შეჩერდეთ! პირველ რიგში დაგეგმეთ პირადი შეხვედრა დამსაქმებელთან.

შეხვედრაზე განიხილეთ თქვენს მიზანზე მორგებული გადაწყვეტილებები, როგორიცაა: მოქნილი სამუშაო საათები, დისტანციური მუშაობა, სამუშაო საათების კორექტირება და ა.შ

იმედს ვიტოვებთ, რომ ამ სტატიაში მოცემული რჩევები დაგეხმარებათ დაიცვათ ბალანსი სამსახურსა და პირად ცხოვრებას შორის.

ბალანსის დაცვა აუცილებლად გაგხდით მეტად პროდუქიულებს და ბედნიერებს.

დამატებით ინფორმაცია სამუშაო-ცხოვრების ბალანსის შესახებ შეგიძლიათ იხილოთ მოცემულ ბმულზე: https://hbr.org/2021/01/work-life-balance-is-a-cycle-not-an-achievement

გახსოვდეთ, რომ სამუშაო და ცხოვრების ბალანსის მიღწევა მუდმივი პროცესია, ამიტომ იყავით მომთმენნი და ორიენტირებულნი მიზანზე.